Library
Profile
ଆନ୍ତର୍ଜାତୀୟ ସାକ୍ଷରତା ଦିବସ
ଆନ୍ତର୍ଜାତୀୟ ସାକ୍ଷରତା ଦିବସ
ଆସିଅଛି ସେପ୍ଟେମ୍ବର ଅଷ୍ଟମ ଦିନ ମାସର
ଆନ୍ତର୍ଜାତୀୟ ସାକ୍ଷରତାଦିବସ
ଉଣେଇଶ ଛଅଷଠି ସେପ୍ଟେମ୍ବର ଆଠଠାରୁ
ପାଳିତ ହୋଇଆସୁଛି ପ୍ରତି ବରଷ ||
ଜାତି ଧର୍ମ ସମ୍ପ୍ରଦାୟ ବର୍ଣ୍ଣ ଭାଷା ନିର୍ବିଶେଷେ
ଅଜ୍ଞାନ ଅନ୍ଧାର ରଚେ ସମସ୍ୟାମାନ
ଅଜ୍ଞାନ ଅନ୍ଧାର ନାଶି ସାକ୍ଷର ହୋଇଲେ ନର
ଜ୍ଞାନଚକ୍ଷୁ ଉନ୍ମିଳିତ ହୁଅଇ ଜାଣ ||
ନୂଆ ଜ୍ଞାନ ଓ ବିଜ୍ଞାନ କଲେ ଯାଇ ଅଧ୍ୟୟନ
ଠିକ୍ ଭୁଲ୍ ପରଖିବା ଦକ୍ଷତା ଆସେ
ଠକି ପାରିବନି କେହି ମିଛକଥାମାନ କହି
ପ୍ରତାରଣା କୁସଂସ୍କାର ଆସେନି ପାଶେ||
&nbs
p;ଆସିବ ନୂଆ ଆୟାମ ବିଶ୍ବେ ଶାନ୍ତି ପ୍ରଗତିର
ଶୋଷଣ ହୀନ ସମାଜ ଗଢିବା ନୂଆ
ସଭିଙ୍କୁ କରି ସାକ୍ଷର କରିବା ଆତ୍ମନିର୍ଭର
ଶିଖାଇବା ବିଶ୍ବ ଭ୍ରାତୃତ୍ବର ମହିମା||
ଶଠ କପଟ ବିହୀନ ଏକ ଜାତି ଏକ ଧର୍ମ
ବସୁଧୈବ କୁଟୁମ୍ବକମ୍ ଭାବିବା ମନେ
ନିରକ୍ଷରତାକୁ ନାଶି ସାକ୍ଷରତାକୁ ବିକାଶି
ନୂତନ ପୃଥିବୀ ଏକ ଗଢିବା ଆମେ ||
ୟୁନେସ୍କୋର ଡାକ ଆମେ ଧରଣୀର କୋଣେ କୋଣେ
ସାକ୍ଷରତା ବିକାଶର ମାଧ୍ୟମ ହେବା
ବିକାଶ କ୍ଷେତ୍ରରେ ଆମେ ନୂତନ ଶୀଖର ଛୂଇଁ
ସୁଖ ଶାନ୍ତିପୂର୍ଣ୍ଣ ନୂଆ ବିଶ୍ବ ଗଢିବା||
