ପ୍ରଭୁ ପାଦେ ଅଭିଳାଷ

ମାଟିରୁ ଆକାଶ ପାଣିରୁ ପବନ

   ପରିବ୍ୟାପ୍ତ ଚରାଚର

ସର୍ବବ୍ୟାପୀ ତୁମେ  ପ୍ରଭୁ ପରଂ ବ୍ରହ୍ମ

     ତୁମେ କରୁଣା ସାଗର

ଆଜିର ଦିନଟି ହେଉ ଶୁଭମୟ 

     ଆଣି ସୁଖ ଶାନ୍ତିଚ୍ଚୟ

ସଫଳତା ଆସୁ ସତ୍ କର୍ମ ବଳେ

    କୃପା କର ଦୟାମୟ

ଜୟ ଜଗନ୍ନାଥ ଜଗତର ନାଥ

    ଜୟ ଜଗଦିଶ ହରେ

କର ହେ କରୁଣା କରୁଣା ସାଗର

   ଶାନ୍ତିଭରାଅ ଅନ୍ତରେ!

ହସିଉଠୁ ଆଜି ଏ ସାରା ଜଗତ

    ଖିଲି ଖିଲି ପୁଣିଥରେ

ଦୁଃଖର ଦରିଆ ଯାଉ ଅପସରି

  ସ୍ଥାପନେ ସୁଖ ସାଗରେ

ପ୍ରଭାତ କୁସୁମ  ସମ ହସ ଫୁଟି

  ସଭିଙ୍କର ଅଧରରେ

ବସୁଧୈବ କୁଟୁମ୍ବକମ୍ ମନୋଭାବ

    ଭରୁ ସର୍ବ ଅନ୍ତରରେ !