Library
Profile
*ହଜିଲା ଦିନ ସ୍ମତିରୁ ପଦେ* *କବିତା ମାଳା ଶୀର୍ଷକ:
*ହଜିଲା ଦିନ ସ୍ମତିରୁ ପଦେ* *କବିତା ମାଳା ଶୀର୍ଷକ:
*ହଜିଲା ଦିନ ସ୍ମତିରୁ ପଦେ*
*କବିତା ମାଳା ଶୀର୍ଷକ: -*
🌹❤ *ଧୁଡୁକି ଗୀତ*❤🌹
*************************
ଲତା ବେହେରା ।
^^^^^^^^^^^^^^^^^^
ହଜିଲା ଦିନର ସ୍ମୁତି କବିତାରେ
ଏଇତ ଧୁଡୁକି ଗୀତ
କରେ ବିମୋହିତ ଲାଗଇ ବିସ୍ମିତ
ମନେ ଜାଗେ ପୁଲକିତ ।
ଧୁଡିକି ଭାଇଟି ଗାଆଁ ଗାଆଁ ବୁଲି
କରୁଥାଏ ନାଚ ଗୀତ
ମନ ଫୁଲାଣିଆ ଗୀତ ଗାଇ ଗାଇ
ହେଉଥାଏ ଆନନ୍ଦିତ ।
ଡବାର ଖୋଳରେ ତାର ବାନ୍ଧି ସିଏ
ଧୁଡିକି କରେ ପ୍ରସ୍ତୁତ
ବଜାଉ ଥାଏଟି ହାତ ଆଙ୍ଗୁଠିରେ
ଗାଇ ସେ ଧୁଡିକି ଗୀତ ।
ଶବ୍ଦର ତରଙ୍ଗେ ସଙ୍ଗୀତ ମୂର୍ଚ୍ଛନା
ଝରୁଥାଏ ଅବିରତ
ତଟସ୍ଥ ହୋଇଣ ଲୋକେ ଦେଖୁଥାନ୍ତି
ଧୁଡୁକିର ନାଚ ଗୀତ ।
ବେଶ ଭୂଷା ତାର ଭାରି ଭଲ ଲାଗେ
ଟାଣି ହେଇ ଯାଏ ନେତ୍ର
ଅଙ୍ଗ ଭଙ୍ଗା ସାଜ ସଜ୍ଜାଟି ତାହାର
ଲାଗେ ବି ବଡ ବିଚିତ୍ର ।
ଏବେ ସେ ଧୁଡୁକି ଦେଖା ତ ଯାଉନି
ରହିଛି ସେ ହୃଦଗତ
ଲୋକ କଳା ଏଇ ଓଡିଶା ସଂସ୍କୃତି
ଧୀରେ ହୁଏ ଲୁକ୍କାୟିତ ।
ଏବେ ସେ କୋଉଠି କାଁ ଭାଁ କାହିଁ
ଦେଖା ଯାଉଛି କ୍ୟୁଚିତ
ହଜିଲା ସ୍ମୃତିର ସାହିତ୍ୟ ଆସରେ
ଧୁଡୁକି ଗୀତ ନିସୃତ ।
ଏ ଧୁଡିକି ଗୀତ ଏବେବି ଲୋକଙ୍କ
ମନରେ ଅଛି ଆଦୃତ
ଭୁଲିତ ହେବନି ଏଇ ଲୋକ କଳା
ରକତେ ଅଛି ଲିଖିତ ।
ସାଉଁଟି ଆଣିଛି ସାହିତ୍ୟ ସଂସଦ
ହଜିଲା ସ୍ମୃତିର ଗୀତ
ଧନ୍ୟ ଜଗନ୍ନାଥ ସାହିତ୍ୟ ସଂସଦ
କରେ କୋଟି ପ୍ରଣିପାତ ।
"""""""""""""""""""""""""""""""""""""""
ଲତା ବେହେରା ।
ଜକା, ଢେଙ୍କାନାଳ ।
🌹🌺❤🙏❤🌺🌹✍️
