ଲାଇବ୍ରେରୀ
ପ୍ରୋଫାଇଲ୍
ପ୍ରକୃତି ମଚାଲ
ପ୍ରକୃତି ମଚାଲ
ପଚାରୁଛି କୋଇଲି ଚାହିଁ ବୁଲି ବୁଲି
ମୋ ନାଁରେ ଗପ ଲେଖିବୁ ବୋଲି
କହିଥିଲୁ ଗତକାଲି
ମୋ ଚାଲିରେ ଛବେଲି
ନିଶା ମୋ ରଙ୍ଗୋଲି
କଥା ଦେଇ କଥା ରଖି ଆଜିକାଲି
କିଏ ଵା ହୋଇଛି ଭଲ ମଣିଷ ଅସଲି
କୋଇଲି ବି ଭାବୁଥିଲା ପିଇକି ମହୁଲି
ଆଖିରେ ତା ଅସରନ୍ତି ସ୍ବପ୍ନ ନାଲି ନାଲି
ପଛକଥା ପାରୁନି ଭୁଲି
ହେଉଛି ଗେଲି ଦୁଲି
ଅଝଟ ଝିଅ ପକାଏ ଏମିତି ଚାଲି
ବର୍ଷା ଚୁଲୁବୁଲି
ଶୀତ ମଖମଲ୍ଲୀ
ଖରା ଭାରି ନାଲି
କିଏ ସରି ହେବ ବସନ୍ତ ହେମନ୍ତ ଶରତ
କାନେ କିଏ କଲାକି ଚୁଗୁଲି
ଆସୁନାହାଁନ୍ତି ଧରାକୁ ବୁଲି
ଆସନ୍ତିନି ସେମାନେ ମନ ବୁଝି ବାଟ ଖୋଜି
ଯାଇଛନ୍ତି ଭୁଲି
ଛଅ ବଦଳେ ତିନି ଚାଲି
ଡାକନ୍ତି ଆଲୋ କୋଇଲି
ସାରେଗାମା ପାଧାନିଶା ଗାଇବେ ବୋଲି
ଆମ୍ବ ବଉଳ ପେନ୍ଥି
ଫୁଲ ପାଖୁଡା ଗୁନ୍ଥି
ପିନ୍ଧି ରଙ୍ଗବେରଙ୍ଗ ଝିଲିମିଲି
ହସୁଛନ୍ତି ଖିଲିଖିଲି
ଏସନ ସୂର୍ଯ୍ୟ କରିବେ କମାଲ ଧମାଲ
କହିବେ ବୁଲି ବୁଲି
ପ୍ରସ୍ତୁତ ହୁଏ କୋଇଲି
ମାଟିମାଆ ଭାବେ ଖାଲି
ରୋଗ ଋଣ ଯାଉ ଚାଲି
ନୂଆ ଲାଗୁ ସବୁ ନୂଆବରଷ ଆସିଛି ବୋଲି
ପ୍ରକୃତି କୋଳେ ଗୀତ
ଗାଇ ଗାଇ କହେ ଶୀତ
ତୁ ଏକା ମୋର ମିତ
ଯାଆନା ଚାଲି ପ୍ରକୃତି ମିତ
ଦେଇଛୁ ଯାହା ଅଜାଚିତ
ଧରି ରଖିବାକୁ ମାଗେ ଜଗନ୍ନାଥଙ୍କ ହାତ
