विधाता

विधात्याची कल्पना मूर्त की अमूर्त

माहीत नाही तो कुठे असतो

पण भेटेल जेव्हा मला तो देव

म्हणेन देवा साऱ्यांनाच सुखात ठेव

पण साऱ्यांसाठी काही मागताना

मला मात्र रितेच ठेवलस देवा

सुख सारं देता देता अलगद

सारंच हिरावून घेतलंस देवा

सारं सारं काही दिलंस मला

पण संसारसुखच कमी दिलंस मला

का रे विधात्या?असा कोणता केलाय गुन्हा?

म्हणूनच तर हे असलं फुटकं नशीब दिलंस मला

नको होते रे मला बाकी काही

हवं होतं थोडंसंच आनंदमय जगणं

तेही नाही दिलंस हे विधात्या

मग जगायचा अधिकारच का दिलास ?

या एकटेपणात जगताना

साऱ्यांच्याच नजरा भेडसावतात रे

नको झालंय हे जीणं एकाकीपणाचे

अजून किती सोसायचेत रे दिवस हलाखीचे

माझे हे सारे प्रश्न केवळ तुझ्याचसाठी

कारण तूच असतोस म्हणे भाग्यविधाता