श्रावणाने यावे आता ..!!!!

आषाढाचे गाणे झाले उदासवाने

ऐकावयास आता कुणी तयार नाही 

दारात वणवणतो वारा सुकली हिरवी पाने 

पाण्यानेही आता ही आग विझणार नाही 

प्रत्येक पहाट हृदयात उमलते नेहमीप्रमाणे 

नवी निराशा होते आशेचे नवल राहिले नाही 

ओसरलेल्या संध्याकाळी क्षितिजाचे निघून जाणे 

अंधाराची वेदना चांदण्यांना कळत नाही 

साठलेल्या पाण्याचेही दाटलेले शेवाळ होणे 

कशास वेगळे करावे काही सुचत नाही 

श्रावणाने यावे आता न करता काही बहाणे 

वाट बघण्याची मेघांना सवय राहिली नाही ..!!!!!!!