लाइब्रेरी
प्रोफाइल
पिंपळपान
पिंपळपान
1 min
12K
सळसळ पिंपळपानाची
रात्रीला ऐकू यावी रात्रीने ऐकण्यासाठी
वाऱ्यास आर्जवे करावी
गंधाळलेली विनंती आपसूक सर्वदूर पसरावी
हलकेच एका पानाने
शरणागती पायाशी घ्यावी
स्पर्श जरी केला तरी वाऱ्याने
मध्यस्थी करावी....
कसा करावा पाठलाग
त्याने खेचून मिठी मारावी
हा इतका उनाड का होतो
झळ वाफाळलेली द्यावी
कधी इतका लबाड होतो
ओंजळीत सावली चंद्राची यावी
काजव्याची कुजबूज होती की
वाऱ्याने गायली गाणी
झाकलेल्या पापणीवरती
त्याने पुन्हा नजर फिरवावी
पिंपळपान रात्रीचे होते
तळमळ या जीवाची का व्हावी???
