आयुष्य

रात्र संपून जाते 

पण शिल्लक राहतात स्वप्न 

अपूर्ण पाहिलेली 

कारण .. तिथे definition बदलली असते 

मग अख्खा दिवस रेंगाळत उभा राहतो डोळ्यासमोर 

नवीन definitions लिहिण्याकरिता 

निबंधाने मध्यान्ह होते 

प्रबंधाने ओसरते दुपार 

आणि उतरतो क्षितिजाच्या पायथ्याशी 

एक फडफडणारा पक्षी 

काही न समजणाऱ्या definitions ना 

अंधारात लपवण्याकरता 

नव्या केलेल्या definitions ना 

पांघरूणासारख ओढण्याकरिता 

दिवसभरात बदललेल्या definitions 

पुन्हा उमलत्या स्वप्नांची वाट पाहतात 

कदाचित... आयुष्याला बदल आवडतो 

स्वतःला बदललेल बघण्याकरीता.... !