दिवास्वप्न

दुपारच्या नीरव शांततेत

चिमण्यांची शाळा भरली

कुजबूज होती की हितगुज

खूप दिवसांनी चिवचिव ऐकली

रखरखत्या उन्हाची दुपार

पण सावलीत सुरक्षा होती

चिवचीवाटात धन्यता जगण्याची

नि जनमाणसाची आलोचना होती

आडोशात खिडकीच्या येऊन

एक चिमणी न्याहाळत होती

ह्या जीवघेण्या तुरुंगाची

तिच्या नजरेत चेष्टा होती

ती मोकळ्या आकाशात होती

मी बंद घरात होती

तिच्या चिवचिव स्वरातली इर्षा

दिवास्वप्नात येत होती !!!!!!!!!