रंगभरी दुनिया

सप्तरंगी इंद्रधनू

नीलमणी आकाशात

शुभ्र चांदण्यांची खडी

रजनीच्या पदरात

नटे वसुधा लेऊनी

गार हिरवे गालिचे

फुले विविध रंगांची

साज रंगसंगतीचे

रत्नाकर मीलनात

श्वेत नीलम हिरवा

असे संगम तरीही

रंग दिसतो बरवा

रंग येती जीवनात

स्नेह प्रेमाचे हर्षाचे

उजळूनी दशदिशा

तेजोमय किरणांचे

उल्हासाचे उत्साहाचे

उत्सवाचे आनंदाचे

रंग भरती जीवनी

सुख परमानंदाचे

भाव भावनांचे रंगे

गंध भरे जीवनात

न्हाऊ वेगळ्या रंगात

आगळ्याच आनंदात