ओळख स्वतःला

तू नाहीस तो राग

क्षणार्धात राख करणारा

जळणारा जाळणारा...

नाहीस तू सल

कोंडमारा करून मारणारा...

तू विक्षिप्तही नाहीस

स्वतःलाच न कळणारा...

तू आहेस एक जादूगार

ज्याच्यात लपून असतो एक परीस...

जो येतो कधीकधी बाहेर

त्या डाव्या सोंडेच्या कृपेने

आणि हलकेच वाट करून देतो तुझ्यातल्या आनंदाच्या झऱ्याला..

तुझ्या खोल जखमा विरघळून जातात त्या झऱ्यात

सवय करुन दे त्या परीसाला प्रत्येक क्षणाचं सोनं करायची

ओळख स्वतःला ..

नको राहूस भ्रमात तू राग सल विक्षिप्त असल्याच्या...