मराठी भाषा दिन

*"म" मराठीचा, माझ्या मराठीचा !*

*कु* - कुसुमाग्रजांचा जन्मदिवस, असे मराठी राजभाषेची शान,

*सु*- सुरस, सुंदर सौंदर्याची, बावनकशी तू खाण,

*मा-* मार्दव, शौर्य, साहसाची, सालंकृत तू जान,

*ग्र-* ग्रह तुज विषयी अनेक, तरी तू आहेस प्रतिभासंपन्न

*ज-* जरी समजती मराठीस दीन, परी आम्हा तिचा सार्थ अभिमान

*वि* - वि.वा.च्या प्रतिभेस लाभले मराठी भाषेचेच कोंदण,

*ष्णू-* विष्णुजी सुत आहेत मराठी साहित्याचे सुवर्ण पान,

*वा*- वाढदिवस तयांचा (२७फेब्रुवारी)असे, मराठी भाषेचा गौरव दिन,

*म-* मरता भाषा, देश ही मरतो, म्हणून जपा तिचा अभिमान,

*न-* नखशिखांत सजते नटते, स्वर-व्यनंजनाचा साज शृंगारुन,

*शि-* शिखरावरी वसलेली माझी मराठी भाषा आहे जगन्मान्य,

*र-* रसास्वाद घेण्या तिचा, हवी भाषेची योग्य जाण,

*वा*- वाणी ही भारतात चौथी,व जगात चौदावी असे तिचे स्थान,

*ड*- डर नसे कशाचा तिज,देऊनी झुंज अमृतातही पैजा जिंकेन,

*क*- करुनी सलाम, देऊनी मान, जगभर होतोय तिचा सन्मान,

*र*- रक्षण करुन आपल्या ज्ञानभाषेचे, उंचावू तिचे स्थान !!