सावित्रीबाई फुले

सावित्रीबाई फुले

फुलेंची तू सून | पत्नी ज्योतिबाची |

आई या जगाची | तू सावित्री ||..... (1)

सोसल्यास सदा | अंधारल्या राती |

नशिबात माती | सदैवच ||..... (2)

फेकले लोकांनी | तुझ्यावर शेण |

घेतलीस घाण | अंगावर ||..... (3)

सुरू केली तूच | शाळा मुलींसाठी |

ही शिकण्यासाठी | पहिल्यांदा ||..... (4)

सावित्री तू सोसे | दगड नि धोंडे |

रोवलेस झेंडे | शिक्षणाचे ||..... (5)

घेऊया शिक्षण | होऊया साक्षर |

लिहूया अक्षर | अ आ इ ई ||..... (6)

गिरवू आम्ही गं | शिक्षणाचे धडे |

कलंक हा झडे | दुर्बुद्धीचा ||..... (7)

दिलेस तू आम्हां | हे विद्येचे ज्ञान |

झाल्यात सज्ञान | लेकी तुझ्या ||..... (8)

सावित्रीच्या लेकी | घेऊया भरारी |

बाणा हा करारी | ध्येयासाठी ||..... (9)

जयजयकार | सावित्रीचा करू |

नेहमीच स्मरू | शिकवण ||..... (10)