अभिलाषा

आई !माझ्या मनातलं सांगू का काही तुला ! मला जीवन जगण्याची आहे अभिलाषा....

मला जगायचे आहे जग पाहायचे आहे....

श्वास घेऊन स्वतंत्र अस्तित्वानं उमलायचं आहे...

आई तुझीच मी छोटीशी प्रतिकृती ....

तुझ्याच गर्भमातीतली मी आकृती .....

नको करू ग माझ्या आवृत्तीची विकृती...!

प्रकृतीचे वरदान मी सोड हीअपप्रवृत्ती ..!!

नको गं करू माझा तिरस्कार.....!!

मला दे जगण्याचा हक्क !!कर स्विकार ..!!

मी समजून घेइन तुला! आपण दोघी मैत्रिणी !

तू समजून घे मला आता , करते मनधरणी.... 

माझी अभिलाषा पूर्ण करणं तुझ्या हातात....

तुझी स्वप्न आकांक्षापूर्ण करी न मी जीवनात... 

मी तुझंच प्रतिबिंब दोघींचा स्रित्वाचा पिंड...!

आता अडवू नकोस माझी खिंड......!!

मला मोठं करताना पूर्ण कर तुझ्या अभिलाषा..!!

माझ्या रूपानं नव्यानं जग शिकून

परिभाषा..!!