मिळुनी वाचवू साऱ्या जगाले...

चल रे दोस्ता , खाऊन खस्ता

कष्टाची भाजी - भाकरी बरी गड्या

अवघड घाट , नागमोडी पायवाट

विसरू नको रे ओळखीचा रस्ता

माहीत आहे ना तुला गड्या

अंती जीत आपलीच होईल

जाणून - बुजून ती स्वार्थी जत्रा

हेही दिवस निघून जातील मित्रा

अरे लढणे आपल्या रक्तातच

घेतला वसा टाकू नको रे

पोर - सोर ,भरला संसार तुझा

अधांतरी सोडून फास गळी लावू नको

असे कित्येक आले - गेले

फ्रेंच,डच मुघल ,फिरंगी

हिटलर , मुसोलिनी , सद्दाम हुसेन

क्षणार्धात होत्याचे नव्हते झालेच ना ?

काय यार मित्रा तू असा खचू नको रे

लोक म्हणतील पळपुटा सारे

हिम्मत तू बघ हारु नको रे

मिळुनी वाचवू साऱ्या जगाले