सरतातच हरामखोर साले दिवस...

आले तसे भुर्रर्र होतात दिवस

जुन्याचेच गोडवे गातो हमखास

आठवणींचे पक्षी घोंगावतात अन

पुन्हा होतात फुर्र न लागता अदमास 

पुन्हा सुरु होतो पाठशिवणीचा खेळ

काळराती नंतरचा तो उष:काल

बसतोच सुख दुःखाचा ताळमेळ

अन जीवन मरणाचा अनंत प्रवास

आले दिवस , गेले दिवस

होत्याचे नव्हते झाले दिवस

भावविभोर ओले दिवस कधी

सरतातच हरामखोर साले दिवस

इतिहासाची पुनरावृत्तीही ठरलेलीच 

अंधेरी नगरीतील सत्तेचा माज

मग अनागोंदी कारभार, अराजक

पुन्हा सुवर्णयुगाची सोनेरी पहाट