महागौरी

आश्विन शुद्ध अष्टमीला 

असे मान तुझाच महागौरी

गौरवर्णी अंगकांति देवीची

श्वेतवस्त्र परिधान करी ||१||

आठवे रुप नवदुर्गेचे

विद्वत्तेचे,निरागसतेचे

प्रचंड शक्तीची देवता

महागौरी नाम देवीचे ||२||

पुराणे वर्णिला महिमा

कठोर तपश्चर्या केली 

गंगेत स्नान घालिता

कांती तुझी गौर झाली ||३||

चारभुजा धारी देवी

वृषभ हे वाहन असे

सोन्यासारखी तेजस्विनी 

शंख, चक्र समान दिसे ||४||

पावित्र्य, शुद्धतेचे प्रतिक

पूर्वसंचित पापहारिणी

शांत स्वभावाची देवी

असे अमोघ फलदायिनी ||५||

पूजा, स्मरण करता देवीचे 

सिद्धी अलौकिक प्राप्त होई

अशक्य ते शक्य करिती देवी

आशीष सुख, समृद्धीचा देई ||६||