लाइब्रेरी
प्रोफाइल
मैत्रीचा हप्ता
मैत्रीचा हप्ता
मैत्री म्हणजे एक रोपटं असते
मनात फुटलेली पालवीअसते
मायेचं खतपाणी द्यावा लागतो
थोडा वेळ खर्च करावा लागतो
मैत्री असते मनाचा मनाशी संवाद
सुख दुःखाचा असतो एक धागा
भेटावं मित्रांनी दोनचार महिन्यांनी
खूप रहावं आनंदी एकमेकांनी
आयुष्याला असतं विम्याच कवच
तसंच असावं हो मैत्रीच कवच
विम्याचा जसा असतो हप्ता
तसाच असावा मैत्रीचा हप्ता
माराव्या गप्पा, सजवावी मैफिल
आखाव्या योजना, फिरावे मुक्त
मनमुराद लुटावा आनंद मित्रांनी
भरावा हप्ता मैत्रीचा हो सर्वांनी
येता जीवनात वाईट प्रसंग
मैत्रीचा येथे लागतो कस
देतात मित्र मनाला धीर
मैत्रीच रोपटं फुलेल फार
नाही दिला तुम्ही वेळ मैत्रीला
मैत्रीच रोपटं सुकून जात
वेळीच दिल जर प्रेमाचं खत
मैत्रीचं रोपं पुन्हा बहरत
आनंद वाटा, आनंद लुटा
मैत्रीचा हप्ता वेळोवेळी भरा
मैत्रीचा प्रवास करीत सुटा
सुखाने जगा, विचार करा
जसा भरतो गाडीचा हप्ता
जसा भरतो घराचा हप्ता
जसा भरतो विम्याचा हप्ता
तसा भरावा मैत्रीचा हप्ता
