जीवन

जीवन फुलले माझे

जीवन बहरले माझे

जीवन झाले धन्य माझे

जीवन झाले आनंदी माझे

पूर्व जन्माचे संचित जणू

स्वतःला धन्य मी मानतो 

मिळाला जन्म या भूमीत 

मन मायबापाचे जाणतो

केले संस्कार आजोबांनी

बाळकडू संस्कारांचे पाजले

बालपण माझे घडत गेले

जीवनाचे सूर ते जुळले 

न धरावा हव्यास कशाचा

मिळेल त्यात समाधान मानावे

कष्ट करुनी धन कमवावे

जीवनात सदा आनंदी रहावे

घेतला वसा टाकू नये

चांगली सवय मोडू नये

रिकामटेकडं बसू नये

कुणास नावे ठेवू नये 

दिली शिकवण साऱ्यांनी

जीवन माझे घडत गेले

भावनांची जडण घडण झाली

जीवन माझे फुलू लागले