स्वप्न

सुंदर असावं स्वप्न 

जशी असावी फुलांची माळ 

मनात रचलेले शब्द 

व्हावे स्वप्नी शब्दांची माळ 

यावे ऐकू कानी 

मनीचे माझ्या काव्यभाव 

यावे ओठावर गोड 

काव्यफुलांची सुमधुर लहर 

स्वप्नात फुलला असा 

शब्दांचा काव्य मळा 

न बोलता कसा 

कळला भाव माझ्या मनीचा 

हलकी सर जशी 

सुखद देई गारवा 

श्रावणातील शुभ्र जलधारा 

खुणावती मज यावे झरझरा 

रिमझिम रिमझिम धारा 

वाहती स्वप्नातुनी माझ्या 

फुलली हिरवळ वाहे झरा 

फुलले काव्य हृदयी माझ्या 

आनंदले मन माझे 

घेई स्वप्नात भरारी 

जसा झोका जाई उंच तसे 

काव्य बहरून मन घेई भरारी