श्रावणधारा

या रिमझिम रिमझिम 

बरसती पाऊस धारा 

या रिमझिम रिमझिम 

मज खुणावती जलधारा 

     हो श्रावण धारा 

     वाहे झरा भरभरा 

     फिरे भोवरा गरगरा 

     खळखळती या जलधारा 

मन माझं घेई 

उंच उंच भरारी 

काळ्या सावळ्या 

मेघातुनी पडती सरी 

    

     हिरवे हिरवे जसे 

     तृणपर्ण पसरलासे 

     मखमल मज भासे 

     हिरवळ जणू दिसे 

ओल्या ओल्या सरी 

गवतावर वर्षाव करी 

तरुवर कोसळती सरी 

हसते जणू श्रावणसरी 

बरसू लागे मेघराजा 

सावळ्या काळ्या घनी 

लपंडाव खेळे रविराजा 

श्रावणात नाचे अंगणी 

   कधी येतो कधी जातो 

   ऊन पाऊस खेळ चालतो 

   डोंगर दरी कोसळतो 

   क्षणात रवी प्रगट होतो