पर्याय

दुःखाला इथे कुठे औषध आहे का?

अश्रूंना डोळ्यांंशिवाय पर्याय आहे का?

आभाळ दाटते म्हणून पाऊस पडतो इथे

वादळांना वार्‍याशिवाय पर्याय आहे का?

सूर्य उगवतो म्हणून ऊन पडते इथे

पण सावलीला ऊन्हाशिवाय काही पर्याय आहे का?

रागामध्ये मौन जरी बोलते

तरी जाणिवांना शब्दांशिवाय पर्याय आहे का?

दिवसाही ही होतात जूलूम इथे जर

रात्रीला काही पर्याय आहे का

रोज कर्तव्यांना फुटते पालवी इथे

अपेक्षांना काही पर्याय आहे का?

जगणे जरी वाटले निरर्थक तरी

जीवनाला काही पर्याय आहे का?