मी आणि तू
मी आणि तू
मी निखळ हसणारी एक चांदणी,
अन् तू मला सावरणारा एक तारा ....
मी पावसाच्या पहिल्या सरीचा थेंब,
अन् तू कातरवेळचा गार वारा ....
मी....
सोनेरी संध्याकाळ काळोखात पहूडलेली,
अन् तू माझ्यात विरघळणारा सूर्यप्रकाश हुरहुरलेला....
मी लाट किना-याजवळ घुटमळणारी,
अन् तू सागर मला सतत झेलणारा
मी....
सावली उन्हामधली तुला बिलगून चालणारी
अन् तू एक उनाड ढग मला दडवणारा
मी एक कोवळी कळी
अन् तू शांत वारा सर्वत्र दरवळणारा