बालकविता'परी'

परी

आभाळाच्या घरी

राहते म्हणे परी

पांढरशुभ्र झगा

तिचे केस सोनेरी

हातात तिच्या

जादूची छडी

उडायला तिला

पंखांची जोडी

छडीची जादु

वाटते गं भारी

हवं ते मिळते

मज्जाच न्यारी

किती गं सुंदर

परी तुझे रुप

परी तुझ्या गोष्टी

आवडतात खूप

जादूच्या छडीची

गम्माडी गंमत

परीची दुनिया

जम्माडी जंमत

परी तुझी माझी

कधी होईल भेट

ये ना तू भेटायला

घरी माझ्या थेट

स्मिता मुराळी, सोलापूर