दुकान सुखांचे

जिंदगीच्या बाजारात मी, 

दुकान सुखांचे थाटले आहे..!

आनंदाच्या तराजूत मी, 

चैतन्य फुकट विकतो आहे..!

आनंद घ्या हो चैतन्य घ्या, 

विनामूल्य मी आज वाटत आहे..!

नकोत पैसे मला वचन द्या, 

तुम्ही ही वाटणार हे जगात आहे..!

खुप आहे शिल्लक, या केव्हांही, 

दुकान सुखांची ही आपलीच आहे..!

आणा पिशवी सोबत मोठ्या मनाची, 

ना दोन हातात हे मावणार आहे..!

भरपूर घ्या, मनसोक्त उपभोगा, 

सारं काही हे तुम्हासाठीच आहे..!

पण प्रेमाने तुम्ही वाटा इतरांनाही, 

त्यात वाटा थोडा त्यांचाही आहे..!

ना मारणार काटा येथे मी, 

ना मी मापात पाप करणार आहे..!

ना देणार मोजून मापून मी, 

शिगोशिग मी देऊन जाणार आहे..!