गुलमोहोर

गुलमोहराच्या फुलांचा

सुंदर लाल शेंदरी रंग

नक्षीदार छत्रीसारखे

जणू भासे त्याचे अंग

रखरखत्या उन्हामध्ये

गुलमोहर कसा फुलतो

लाल शेंदरी रंग लेवूनी

ऊन वाऱ्यासंगे झुलतो

कधी असे हिरवागार

कधी पानाविना रुक्ष

वसंताच्या आगमनी

फुलांनी बहरतो वृक्ष

रानोमाळी उभा राहूनी

सोसतो उन्हाच्या झळा

लालशेंदरी गुलमोहराचा

फुलवावा वाटतो मळा

जून महिन्यात झाडाखाली

गुलमोहरांचा पडतो सडा

पुष्परचना करता करता

कल्पकतेचा गिरवूया धडा!