कदाचित तुलाही माहीत नसेल
कदाचित तुलाही माहीत नसेल
तुझं सौंदर्य पाहून आज
आपोआप अक्षरांनी आज साद घातली.....
तुझ्या सुंदरतेच्या कळसाचं गमक
कदाचित तुलाही माहीत नसेल.......
निरागस डोळे अन् काळेभोर केस
घाव घालतात काळजावर थेट......
तुझ्या स्मितहास्याचा परिणाम
कदाचित तुलाही माहीत नसेल........
अनोळखी जरी असलीस तू तरी
जवळीक वाटते मनापासून
तुझ्या फोटोतली भावमुद्रा
कदाचित तुलाही माहीत नसेल..........
लिहावं किती तेवढं कमीच आहे
अक्षरंही आता अबोल होऊन गेलेत
किती अवघड आहे तुझ्यावर कविता करणं
कदाचित तुलाही माहीत नसेल.......