बोल कविते माझ्याशी
बोल कविते माझ्याशी
1 min
270
बोल कविते माझ्याशी
आलो गं तुझ्या दारात
वाट गं तुझी बघतो
कसा येऊ मी घरात ।।
बोल कविते माझ्याशी
फिरे मी रानावनात
नको गं सोडून जाऊ
अशा दाट जंगलात ।।
लागलय मला वेडं
तुझ्या गं सहवासाचं
नाही गं मला राहात
भान कविते कशाचं ।।
बोल कविते माझ्याशी
भाव मनाचे फुलते
जाते विसरुन दुःख
पान कळीचे खुलते ।।
बोल कविते माझ्याशी
खोल गुपित मनाचे
तुला ठेवीन अंतरी
सांग ना मोल शब्दाचे ।।
म्हणतात वेडा मला
सारे तुझ्या संगतीनं
बोल कविते माझ्याशी
हसे मगं गमतीनं ।।