STORYMIRROR

Pandit Warade

Fantasy

4  

Pandit Warade

Fantasy

सांजवेळ

सांजवेळ

1 min
28.9K


झाली सांजवेळ आता

पक्षी घरट्यात आले

पश्चिमेला सूर्यदेव

घरी जायला निघाले।।१।।


कर्मयोगी दिनकर

लालबुंद कसा झाला

लाली कर्माची चढली

भास्कराच्या चेहऱ्याला।।२।।


कुणी घराच्या ओढीनं

वासराच्या साठी गाई

निघे धावत पळत

साऱ्यांनाच झाली घाई।।३।।


सूर्यदेव निघे जणू

रजनीला भेटायला

कामकाज आटोपले

जाणे आता विसाव्याला।।४।।


घरीदारी, देवापाशी

सांज होता लागे दिवा

जीवनाच्या सांजवेळी

दिवा अंतरी पेटवा।।५।।


लावा ज्ञानदीप आता

आपापल्या अंतर्यामी

सांजवेळ होता होता

वेध लागो निजधामी।।६।।


Rate this content
Log in

Similar marathi poem from Fantasy