Life

जगावे कितीही जगणे तरी जगणे कळत नाही 

पानझडीचा मौसम तरी पान गळत नाही

नेहमीसाठीच जगू हा गैरसमज आहे

प्रत्येक जण काळाचा नाजूक सावज आहे

आज वाटले तरी उद्या असतोच की पुढे

तब्बेत खमकी करतात मग औषधाचे काढे

जगण्यासारखे काही नसले तरी कुणीच मरत नाही

पानझडीचा मौसम तरी पान गळत नाही

सुख पण पाहुणा बनून येते कधी जिथे

नाराजिचे मोठे इमले बांधून जाते तिथे

कोण म्हणतो आम्ही काही फिकीर करत नाही

सुखासाठी स्वप्नांची चाकरी करत नाही

प्रत्येकाला खुश करणे काम आमचे आहे

आम्हास नाराज करणे काम तुमचे आहे

कितीही आम्ही नाचलो तरी टाळी पडत नाही

पानझडीचा मौसम तरी पान गळत नाही