माझी मी

शोधत असते मी मलाच

माझ्या यशात माझी माणसे 

जे असतील सोबत कायम 

अशी प्रेमळ माझी माणसे

माझ्या यशाने ते जातील हुरळून 

पाहतील नव्याने पुन्हा पुन्हा निरखून 

प्रेमाने होईल हळूच कॉलर ताठ त्यांची

बघतील मला कौतुकाने पारखून

त्यांच्या नजरेत जाणवेल ती चकाकी

कधी कधी ओघळतील डोळ्यांतून मोतीही 

नजरेत असेल ओतप्रोत भरलेले प्रेम ही 

आणि प्रेमाने मारतील करकचुन मिठीही

ज्यात नसेल द्वेष, तिरस्कार आणि इर्षा ही

मनसोक्त मनमोहक खळखळून असणेही 

आणि हेच मिळण्यासाठी मी देत राहणार वारंवार परीक्षा स्वतःला सिद्ध करण्यासाठी

कारण मला हवय प्रेम

वात्सल्य माया ममता आदर 

मान अभिमान माझ्या माणसांचा हृदयातला 

हळूवार लपलेलं अलगत जपलेलं