वडापाव

गरमागरम वडापाव

नाव ऐकताच तोंडाला पाणी सुटते

आणि मग आपोआपच पाय

चौकातल्या टपरीकडे वळते

वडा हातात घेऊन 

मन भरून वास घ्यावा 

त्या वासानेच रंध्र रंध्र भरून जावा

चित्त वृत्ती पुलकित व्हाव्या

एक तुकडा तोंडात घालावा

क्षणभर स्वर्ग सुखाचा भास व्हावा

बटाट्याची खरपूस भाजी

तोंडभर चवीने विरघळावी

त्याला तिखट जोड मस्त

तळलेल्या मिरचीची असावी

पावाला हिरवी चटणी लावावी

त्यात लाल चटणी घालावी

सुटले ना तोंडाला पाणी

आज आहे जागतिक वडापाव दिन

प्रत्येकाने नक्की चाखावे 

वडापाव खाणे म्हणजे आनंदाचे गाणे