लाइब्रेरी
प्रोफाइल
आठवांच्या लाटा
आठवांच्या लाटा
1 min
120
बसते नदीकिनारी
अशीच मी एकांती
लाटांनी आठवांच्या
आली मनाला भरती
कितीक आवरावे
कितीक सावरावे
या नाजूक हृदयाला
सांगा कितीक जपावे
निरव शांतता ही
जणू का आभास वाटे
शांत नदी किनारी
काळे कुट्ट आभाळ दाटे
आसवांनी आता हा
काठ पूरा भरेल
आठवांच्या लाटांनी
पूर ओसंडून येईल
भावनांनी ओथंबलेली
अशी मी गर्भगळीत
येईल का किनारा
आठवांचा या सरीत
