लाइब्रेरी
प्रोफाइल
कुणी असही बनावं
कुणी असही बनावं
1 min
199
शिंपी कुणी बनावं
तुटलेली मने शिवण्यासाठी
वायरमन कुणी बनावं
अबोला धरणार्या दोघांचे
कनेक्शन जोडून देण्यासाठी
ऑप्टिशयन कुणी बनावं
लोकांची दृष्टी आणि दृष्टीकोन
नीट करुन देण्यासाठी
कलाकार कुणी बनावं
चेहर्यावरच्या हास्य रेषा
रेखाटण्यासाठी
गवंडी कुणी बनावं
दोन शेजार्यांमध्ये
उत्तम सेतू उभारण्यासाठी
माळी कुणी बनावं
सुंदर विचार पेरण्यासाठी
प्लंबर कुणी बनावं
तुंबलेल्या मनांना मोकळं
करण्यासाठी
शास्रज्ञ कुणी बनावं
एकमेंकाबद्दलची ओढ
शोधण्यासाठी
आणि सर्वात महत्वाचे म्हणजे
शिक्षक कुणी बनावं
एकमेकांशी संवाद
घडविण्यासाठी
ज्ञानामृत वाटेवाटेवर
मुखी पाजण्यासाठी
