प्रित...!

चांदण्यांच्या रातीला

प्रित माझ्या साथीला

स्मित हास्याने तुझ्या

गंध जणू मातीला....!

 

थबकती पाऊले

का उगाच आता

कोसळती शहारे पुन्हा

तुझ्या मिठी जाता...!

बोलक्या पापण्या

नयन सांगती खुणा

अबोल ओठांची भाषा

कळते मला पुन्हा...!

ती रात्र अशी

वेढावली आता

भन्नाट सैर वारा 

छेडावितो तुला...!

कुंतलाची बट कोवळी

गाली बहरुन आली

प्रितीची गोड लाली

चिंब आज झाली....!

अंधारात रातीच्या

काळोख चिंब झाला

प्रेमाला पावसाने

वेगळाच रंग आला...!

तू अशी चिंब ओली

मिठीत शहारलीस

पुन्हा एकदा माझ्या

प्रितीत तू लाजलीस....!