सूर तुझ्या संगतीचे ...
सूर तुझ्या संगतीचे ...
तुझे नि माझे नाते
गोड मधुर बहु प्रीतीचे
संसाराच्या संवादिनीला
सूर तुझ्या संगतीचे !
आर्त जाहलो विरहव्यथेने
वेध लागले घट्ट मिठीचे
कोण जाणतो काय होतसे
खेळ दुष्ट ते समयगतीचे !
प्रेमवीराला काय भीती गे
भान काय ते जनरीतीचे !
जणू वाटते असे असावे
जसे सागराला भरतीचे !
लटकेच असे सारेच
दुनियेत उद्या जाताना
प्रेमाला उपमा नाही
प्रेम अजरामर किर्तीचे !