आरोग्याचे अक्षयदान
आरोग्याचे अक्षयदान
अक्षयदान देऊनी आम्हां
द्यावा मरणावरती विजय
हे शंकरा ज्योतिर्लिंगा
भवभयतारक मृत्युंजय !
धन्वंतरी मिळोत आम्हां
संजीवनी खरी मिळो
हे हनुमंता तुझ्या प्रतापे
कोरोनाचे विघ्न पळो !
सूर्यनारायणा करतो अर्पण
अर्घ्य म्हणूनी पंचप्राण
प्रसाद म्हणूनी द्यावे आम्हां
आरोग्याचे अक्षयदान !
हे अंबे हे भक्तवत्सले
महाविष्णूची माया तू
जगच्चालिके आज आम्हांला
द्यावी सुंदर काया तू !
हे लंबोदर गजवदना तू
निवार संकट आले महान
दे रोगाच्या प्रतिकाराला
आरोग्याचे अक्षयदान !