अभंग - भेटा भगवंता
अभंग - भेटा भगवंता
1 min
604
भेटा भगवंता । दावा विश्वरुप ।
कळावे स्वरुप । मानवासी ।। १।।
कळो आले आज । पिंडी ते ब्रह्मांडी ।
आज हर घडी । समजले ।। २।।
तूच शब्द मूर्ती । शब्दांचे स्वरुप।
पाहता हुरुप । भक्तां आला ।।३।।
घेसी रोज पूजा । इथे सर्वांचीच ।
खूण त्याची तीच । दावितो मी ।। ४।।
रिकामे ते ताट । घेऊनीया ऊभा ।
सांग पद्मनाभा । काय देसी ।।४।।
मागू काय खास । आहे हितगुज ।
वाजे अलगुज । अंतरात ।।५।।
धाव आता देवा । भक्तासाठी आता ।
समर्थ तू दाता । कलियुगी ।। ६ ।।
सुखी व्हावे जन । हेच माझ्या मनी ।
प्रार्थना जननी । पुरी करी ।।७।।