कष्टाळू कामगार...
कष्टाळू कामगार...
अरे कामगार आहे रे मी कामगार
नाही कोणाच्या कष्टाचा भागीदार
स्वतः कमवून जीवन जगतो थोडंफार
नाही मारत कुणाच्या हक्काचे तुकडे चार
जीवन जगत असतांना नाही करत फेरफार
जीवन म्हणजे कष्ट याची जाणीव आहे यार
लबाडी लाच याची ओळख नाही मला फार
पण चार पैशाची किम्मत मी ठेवतो शानदार
थोडं हसत थोडं बनतो दुःखात भागीदार
कुटुंबासाठी जगतो मी पुन्हा वारंवार
लेकराचे डोळे जेव्हा आशेने बनतात धारदार
तेव्हा मात्र काळीज माझं होत पाणीदार
कोणी टोचून बोललं तर वाईट वाटत अलवार
तेव्हा मी दोन कानाचा उपयोग करतो क्षणवार
कामाचं ऐकून बाकी सोडून देतो मी थोडंफार
पण कष्टाची बाजू नेहमी घेतो बनून ललकार
कामगार म्हणून जगतो मी अलगत अलवार
जणू कष्टाचा चढवलाय माझ्यावर दागिना अलंकार
थोडं तांबट पण आयुष्य आहे खरंच मजेदार
जेव्हा कष्टाची भाकरी सुख देते पुन्हा वारंवार.