मला भेटलेली ती...

नात्याच्या अनमोल रत्नांनी माखलेली 

सुंदर परी ती जणू रूपाने सजलेली

 भव्य अशा अफाट श्रीमंतीत नटलेली

 होती फार गोड ती आज मला भेटलेली

 आयुष्याला जिने स्वप्नांनी वेढलेली

 न म्हणता ही तीच पुन्हा आवडलेली

 मनाला नाही पण हृदयाला पटलेली

 होती फार गोड ती आज मला भेटलेली

 हातावरच्या रेषा नकळत उमटलेली

 डोळ्याच्या पाण्यात उगाच सजलेली

 ओठांवरच्या गोडीत नकळत गुंतलेली

 होती फार गोड ती आज मला भेटलेली

 अबोल शब्दांनाही हुशारीने भिडलेली

 मायेला ओंजळून रडत जन्मलेली

 निसर्गाने तिला माझ्यासाठीच निवडलेली

 होती फार गोड ती आज मला भेटलेली.

 आदर आचरणात घेऊन पुन्हा सजलेली

 स्वप्नांना नाही तर वास्तव्याशी भिडलेली

 बोलक्या शब्दांसमोर अबोलीत नटलेली

 होती फार गोड ती आज मला भेटलेली