लाइब्रेरी
प्रोफाइल
गुंतलेला मनी
गुंतलेला मनी
1 min
160
अलगत रेशमी धागेत गुंतलेला मनी
स्वतःला जपून ठेवतो काही क्षणी
बनवून स्वतःला स्वतःचाच धनी
क्षणभरासाठी असतो जगाचा ऋणी
कधी स्वतःची सांभाळून वाणी
हृदयातले शब्द ऐकू येतात कानी
स्वतःच्याच धनाचा होऊन तो दानी
दाखवतो स्वतःला अनमोल मनी
कधी कोणत्याही अलगद क्षणी
त्याला सुचतात काही अबोल म्हणी
तरीही स्वतःच्या उंबरठ्यावर कोणी
नाही घालत वाईट विचारांचे पाणी
पण या मंदार जगाची रीत कोणी
समजली असेल तो होईल ज्ञानी
अबोल क्षणांचा स्वतः बणून ऋणी
मनी सांगतो स्वतःच्या दुःखाची वाणी
