Library
Profile
माणूस
माणूस
शब्दांचे बघ कसे कोणीतरी पंख छाटले !
भावनांचे उरी पेटून आज वादळ उठले !! //१//
काहूर दुःखाचे इतके जगी दाटले !
भ्रष्ट माणसे कसे बघ इथे साचले !! //२//
हव्यास पैशाचा बघ माणसा मनी कोपला !
जो तो अनितीने कायमचा इथे निजला !! // ३ //
शोषितांचा ना कोणी इथे बघ वाली !!
पेटून उठण्याची वेळ आज तुझी झाली !// ४//
होती आपुले पूर्वज कसे पाहा शानदार !
तितकेच बनू आपुण रे माणसा दिलदार !! // ५//
-justify">
तोडून टाक कायमची तु जातीची चौकट !
रोखू नकोस रे माणसा अधोगतीची सावट !! // ६//
अरे मानवा कर रिकामी द्वेषाची तु घागर !
पाहा मग साचेल कसा माणुसकीचा सागर !! //७//
आज कसा लागला तुज प्रसिद्धीचा जीवघेण्या रोग !
जाग माणसा नसता सोसावे लागेल नैराश्याचे भोग !! // ८//
माणसाच्या गर्दीत आज माणूसच हरवला !
शोधण्या येता आज देवच पाहा गहिवरला !!//९ //
इतकेच बघ माणसा मज आज रे कळते !
माणसातला माणूस जागण्या काळीज तुटते !! // १० //
