किती त-हा वेदनांच्या
किती त-हा वेदनांच्या
वाटे सुखद वेदना
प्रसवाच्या समयाला
कठीणची सोसण्याला
उधाणची स्वानंदाला (१)
वेदनांचे जाळे असे
दाट मानवशरीरी
खूप छळती सलती
भरे वेदनाच उरी (२)
अपघात शरीराला
जाळे पसरी वेदना
कुणी भोग हा प्रारब्ध
चुके ना सोसण्याविना (३)
वैद्य डॉक्टर सत्वरी
करी ह्यावरी उपाय
शस्त्रक्रिया नि औषधे
भोगणेच निरुपाय (४)
छळे मनासी वेदना
रुप भयंकर तिचे
वरवर आलबेल
परि मनास सलते (५)
सल खोल अंतरात
असहाय्य हो मनास
ना सांगू शके कुणा
कसे दाखवू कुणास? (६)
शारिरीक वेदनांस
अंत तरी औषधांनी
मानसिक वेदनांसी
अंत नसतो जीवनी (७)