जावई गेला सासुरवाडीला
जावई गेला सासुरवाडीला
जावई गेला सासुरवाडीला
सासूसासऱ्यांना आनंद झाला
जावई गवताच्या गंजीवर बसला
वरतीच बसून चहा प्याला
नंतर जावई खाली आला
सगळ्यांनाच आनंद झाला
जावई बसला जेवायला
सासूने सुरू केले वाढायला
सासूने खूप आग्रह केला
खीर लागली वाढायला
जावई लागला लाजायला
जावयाने पानावर हात धरला
खिरीच्या थेंबाचा स्पर्श झाला
जावई लागला चाटायला
जावयाला तो गोड लागला
पण लाज वाटली मागायला
नको नको म्हणायला लागला
कठीण होते ,रूच विसरायला
रात्र झाल्यावर बिचारा झोपला
पण खिरीच्या आठवणीने जागा झाला
थेट स्वयंपाकघरात तो शिरला
भांड्यांवरची झाकणं काढू लागला
एका झाकणाचा आवाज झाला
मांजर समजून तिथे सासरा आला
येतानाच त्याने झाडू आणला
काळोखांतच लागला बदडायला
जावई म्यांव म्यांव करू लागला
कुटत पळत अंथरुणावर पडला
साऱ्याचा अर्थ सासऱ्याला कळला
गालातल्या गालात तो हसूं लागला.