बालपणीच्या आठवणी

मित्रांच्या सहवासात रमती

पारावरील आनंदी गुजगोष्टी 

आठवनितील सागरलाटेने

घेऊनी येई सुखाची भरती //१//

चिंचा, बोरं, खाऊ आवळे

करीत मज्जा नाचू या सारे

जंगल मंगल साजरे सोहळे

चिंब भिजती झेलीत थंड गारे //२//

 लगबगीत सायकलची स्वारी

 नदीतीरावर आंघोळ मौजेत

विटी दांडू अन् खेळू लगोरी

 येई घोळका आरोळी देत //३//

आजोबांच्या खांद्यावर बसुनी

भ्रमण करी साऱ्या गावाचा

डोके आजीच्या मांडीवर ठेऊनी

वेड रात्री चांदण्या मोजयचा //४//

आईचा मी लडिवाळ बाप्पा

बाबांचा मिठीत रमणारा

ताईच्या गळ्याला मी ताईत

सर्वांनाच हवा असणारा. //५//

बालपणातील दिस ते मजेचे

सर्वांच्याच स्मृतीत कोरलेले

 आयुष्यातील जीवन प्रारंभाचे

अमिट साठा हृदयी जपलेले. //६//