मोर

मोर हा सुंदर पक्षी

पंखावर तयांची सुंदर नक्षी

नभात पाहूनी मेघगर्जना

मोर होई आनंदी मना //१//

सुंदर रेखीव त्याचे रंग

खुलवीत नाची अंतरंग

नर्तन तुझे रानीवनी

पाहून हर्षित होते मनी //२//

राजा शोभे तू पक्ष्यांचा छान

सर्वहृदयी सदा विराजमान

थुईथुई चाळ पायी वाजावी

निसर्गाची शोभा तू फुलवावी //३//

सुंदर डोक्यावरील तुरा

मिरवीत ऐटीत मान खरा

राष्ट्रपक्षी तू अभिमानाने शोभी

आनंदाची गाणे नाचत गावी //४//