वृद्ध व्यक्तीदिन

वृद्ध व्यक्तीदिन | करावा साजरा |

लोकांच्या नजरा | वळाव्यात ||

वृद्धांना सांभाळा | आपुल्या घरात |

 जपून मनात | ठेवू चला ||

वृद्ध व्यक्ती आहे | घराचा आधार |

मायेची चादर | मायबाप ||

वृद्धाश्रमी नका | मायबापा सोडू |

दोन्ही कर जोडू | वंदावया ||

ॠण मायबापा | फिटणार नाही |

नेत्र भरू पाही | नातवंडा ||

पुण्यवंत तोच | ज्या घरात वृद्ध |

होईल समृध्द | आपोआप ||

पुण्यवान तोच | वृद्ध माया मिळे |

नाही कसे कळे | जनलोकां ||

भक्त पुंडलिक | खूप केली सेवा |

थांबला हो देवा | जागेवरी ||

देवही थांबला | पांडुरंग हरी |

कर कटेवरी | ठेवुनिया ||

देवाआधी मान | आहेच वृद्धांना |

कळवी मुलांना | पांडुरंगा ||