जगण्याची धडपड

जगण्याची धडपड

माणसाने हो करावी

कष्ट करूनिया नित्य

आस सत्याची धरावी...!!

खावी कष्टाची भाकरी

रोज घाम रे गाळून

आनंदाने जगायचे

सर्व नियम पाळून.....!!

अर्धी भाकरी वाटावी

ओळखावा हो भुकेला

धाऊनिया जावे कधी

कधी गरिबा हाकेला....!!

विसरून जातिभेद

गावू समतेचे गाणे

झाले गेले विसरून

नका काढू उणेदुणे.....!!

एकदाच मिळतोया

जन्म रे हा मानवाचा

लावा सार्थकी सा-यांनी

धर्म हा माणुसकीचा....!!

कधी करावी हो सेवा

कधी ठेवा मुखी नाम

डोळसपणाने जगा

आत्मविश्वास रे ठाम....!!

मिनू म्हणे आता ऐका

करा एक भले काम

विज्ञानाची साथ धरा

अंधश्रद्धेला द्या विराम...!!

लाख येवोत संकटे

कधी ना घाबरायचे

आपल्याच खांद्यावर

आपलेच मग ओझे....!!