व्यसन तू सोड
व्यसन तू सोड
तंबाखू गुटखा | जीवाला चुटका |
कशाला मटका | खेळतोस ||
व्यस्नाच्या आहारी | नको तू जाऊस |
दारूची हाऊस | सोड बाबा ||
नासकी ती दारू | आतड्या सडवी |
तोंडातून शिवी | पडे सदा ||
मावा,गांजा,बिडी | कधी सिगारेट |
कंट्रोल रिमोट | बिघडला ||
अशा व्यस्नापायी | खंगेल शरीर |
होईल कॅन्सर | आपोआप ||
मृत्यूच्या दारात | येईल वरात |
त्राण शरीरात | नसे मग ||
मिळणार नाही | मानवाचा जन्म |
चांगले तू कर्म | ठेव गड्या ||
बोलतो बोबडा | तोंडात तोबरा |
आवाज घोगरा | येत असे ||
पिचकारी मारी | तोंडात रे पान ||
चोहीकडे घाण | थुंकी असे ||
दारूच्या घोटानं | वाटोळा संसार |
बायकोला मार | कशापायी? ||
आरोग्य तू जप | निरोगी शरीर |
सुख भरपूर | येईल हो ||
मिनु म्हणे आता | सोड रे व्यसन |
स्वत:च्या मनानं | हो शहाणा ||