करू नये गर्व
करू नये गर्व
जीवनात कधी | करू नये गर्व |
देवाहाती सर्व | आहे सारे ||
भलेभले आले | येऊनिया गेले |
मातीतच मेले | ठेव ध्यानी ||
चार दिवसाचे | प्रवासी आपण |
कशाला मीपण | आणतोस ||
रित्या हाती येणं | रित्या हाती जाणं |
मीरवी मीपण | कशापायी ||
माणुसकी भली | कधी कळणार |
कसे मरणार | एकदिन ||
अहंभाव खोटा | सोडी माणुसकी |
वरवर एकी | दाखवती ||
मनात गं अडी | जळाजळी सारी |
मीही आहे भारी | तोरा दावी |
कधी शिकणार | माणुसकी भली |
आली तशी गेली | जीवनात ||
कधी संपत्तीचा | गर्व नका करू |
गुढी हो उभारू | माणुसकी ||
मिनु म्हणे आता | सोड अहंभाव |
सोडून दे हाव | माणसा तू ||